“Bilmezler”

Okuma süresi: < 1 dakika

Hayâlî’nin “Bilmezler” Redifli Gazeli

Cihân-ârâ cihân içindedir, ârâyı bilmezler;

O mâhîler ki deryâ içredir, deryâyı bilmezler.

Harâbât ehline dûzah azâbın anma ey zâhid!

Ki bunlar ibn-i vakt oldu, gam-ı ferdâyı bilmezler.

Şafak-gûn kan içinde dâğını seyr etse âşıklar;

Güneşte zerre görmezler, felekte ayı bilmezler.

Hamîde kadlerine rişte-i eşki takıp bunlar,

Atarlar tîr-i maksûdû, nedendir yayı bilmezler.

Hayâlî fakr şâlına çekenler cism-i uryânı;

Anınla fahr ederler, atlas ü dîbâyı bilmezler.